கோவை: மும்பை சம்பவத்தை அடுத்து கோவையிலும் பல்வேறு பாதுகாப்பு நடவடிக்கைகள் குறித்த விழிப்புணர்வு ஏற்படுத்த காவல்துறை முடிவு செய்துள்ளது. முதல் கட்டமாக விடுதி உரிமையாளர்கள் பங்க்கேற்ற ஆலோசனை கூட்டம் காவல்துறை ஆணையர் மஹாலி தலமையில் நடந்தது.

மும்பையில் நடந்த சம்பவம் போன்று இனி எந்த பகுதியிலும் நடக்ககூடாது. கோவையில் மேற்கோள்ளப்படும் முன் எச்சரிக்கை நடவடிக்கைக்கு அனைத்து தரப்பினரும் ஒத்துழைப்பு தர வேண்டும். வடிக்கையாளர்கள் எவ்வளவு பேர் வேண்டுமானாலும் வரலாம். அதில் நல்லவர்களை மட்டும் அனுமதிப்பது பாதுகாப்பாக இருக்கும். மேலும்,

1.விடுதிகளை சுற்றிலும் பாதுகாப்பு சுவருடன் கூடிய வேலியும், மின்விளக்கு வசதியும் கட்டாயம் இருக்க வேண்டும்.
2.உள்ளே வந்து வெளியே செல்ல தலா ஒரு கதவு மட்டுமே இருக்க வேண்டும்.
3.தீ அணைப்பு சாதனங்கள் கட்டாயமாக இருக்க வேண்டும்.
4.ரகசிய கண்காணிப்பு கேமராக்கள், பெரிய விடுதிகளில் உடமைகளை பரிசோக்க இயந்திரங்கள் நிறுவுவது நல்லது.
5.நிறுவனங்களில் பணியாற்றும் ஊழியர்களை பாதுகாப்பதும் மிக முக்கியம், அவர்களின் நடவடிக்கை குறித்து தினமும் கண்காணிக்க வேண்டும்., ஊழியர்களுக்கு  அடையாளஅட்டை வழங்கவேண்டும்.
6.தங்க வருபவர்களிடம் அவர்களின் நிரந்தர முகவரியை உறுதி செய்யக்கூடிய (வாக்காளர் அடையாளஅட்டை, வங்கி  கணக்கு புத்தகம்) ஆவணம் கட்டாயமாக இருக்க வேண்டும்.
7.எந்த ஆவணமும் இல்லாதவர்களை தங்க அனுமதிக்க கூடாது அல்லது உள் ஊரை சேர்ந்த அவருக்கு பரிச்சயமான ஒருவர் பரிந்துரை செய்ய வேண்டும், பரிந்துறைப்பவரின் முழு முகவரி, அடையாளஅட்டை நகல் கண்டிப்பாக இருக்க வேண்டும்.
8.வெளிநாட்டவர், வெளி மாநிலத்தவர்கள் தங்கி இருந்தால் அவர்களது விவரங்களை காவல் நிலயத்திற்கு தெரிவிக்கவும்.
9.விடுதிகளுக்கு வரும் வாகனங்கள் கண்காணிக்கபட வேண்டும், வாகன எண்களை பதிவு செய்ய வேண்டும். என்று விடுதி உரிமையாளர்கள் பங்கேற்ற ஆலோசனைக் கூட்டத்தில் ஆணையர் மஹாலி கூறினார்.

கோவை : மு.ரா

Last update : 06-12-2008 01:56

Average user rating

   (0 vote)