தேவையானவை :

கெண்டைமீன்/கானாங்கெளுத்திமீன் : ஒரு கிலோ

சாம்பார் வெங்காயம் : 30 (அல்லது பெரிய‌ சிவ‌ப்பு வெங்காய‌ம் 1)
தக்காளி : 5

பூண்டு : 8 பெரிய பல்

சோம்பு : 1/2 கரண்டி
வெந்தயம் : 1/2 கரண்டி,

பொ.கடலை : 3 மே.கரண்டி

கசகசா : 2 மே.கரண்டி

கறிவேப்பிலை : கூடுத‌லாக‌வே

நல்ல எண்ணெய்/ஆலிவ் எண்ணெய்: கொஞ்சமா

மீன் குழம்பு

புளி : எலுமிச்சைய‌ளவு
மல்லித் தூள் : 4 மே.கரண்டி

சீர‌க‌த்தூள் : 2 மே.க‌ர‌ண்டி
மிளகாய் தூள் : 2 மே.கரண்டி

(கார‌ம் தேவைப்ப‌டுவோரர்அத‌ற்கேற்ப‌ : கூடுத‌லாக‌)

உப்பு : தேவைக்கு

செய்முறை :

மீனை சு‌த்த‌ம் செ‌ய்து நன்கு கழு‌வி ‌சி‌றிது பு‌ளி‌த் த‌ண்‌ணீர், உப்பு ‌போட்டு ஒரு பாத்திரத்தில் வைத்துக்கொள்ளுங்கள். வெங்காய‌ம் த‌க்காளியை பொடியாக‌ ந‌றுக்கிக்கொள்ளுங்க‌ள். பாதி வெங்காயம், தக்காளி 4ம் லேசான தீயில் வ‌த‌க்குங்க‌ள். மிக்சியில் பொ.க‌ட‌லை, சீர‌க‌ம்,கசகசா, ம‌ல்லி,மிளாகாய் தூள் போட்டு முத‌லில் நீர்விடாம‌ல் அரைத்து அத்துட‌ன் வ‌த‌ங்கிய வெங்காய‌ம் த‌க்காளியும் சேர்த்து நாலு பூண்டு ப‌ல்லையும் ப‌ச்சையாக‌ப் போட்டு விழுதாக‌ அரைத்து எடுத்துக்கொள்ளுங்க‌ள். நல்ல எண்ணெய் விட்டு,சோம்பு,வெந்தயம், பூண்டு,கறிவேப்பிலை ஒவ்வொன்றாய்ச் சேர்த்து தாளித்து வெங்காய‌ம் போட்டு லேசாக‌ வ‌த‌க்கிய‌தும் மீத‌முள்ள‌ த‌க்காளி சேர்த்து வ‌த‌க்கி அரைத்த‌ ம‌சாலாவைச் சேர்த்து ஒரு கொதி வ‌ந்த‌தும் மீனைப் போடுங்க‌ள். ப‌த்து நிமிட‌த்தில் க‌ம‌க‌ம‌ மீன் கொழ‌ம்பு
த‌யார்!

என்ன‌ நாக்கில் எச்சிலா? பின்ன‌ நாலு க‌வள‌ம் சோறு சேத்தே உள்ள‌ போகுமில்ல‌! இந்த‌ மீன்கொழம்பை வச்சு அஞ்சாறு நாளைக்கு அப்புற‌மாச் சாப்புட்டுப்பாருங்க‌. வ‌ச்ச‌ கைக்கு த‌ங்க‌ காப்பு செஞ்சுபோட‌ச் சொல்லும்ப்பூ!

Last update : 15-01-2009 21:06

Average user rating

   (0 vote)