சென்னையை சேர்ந்தவர் மாதவ். தகவல் பெறும் உரிமைச் சட்ட ஆர்வலரான இவர் பல்வேறு சமூகப் பிரச்னைகள் குறித்த தகவல்களை வெளிக்கொணர்ந்துள்ளார். 

இந்த நிலையில் திருவல்லிக்கேணி அருகே நேற்று தனது நண்பர் பாஸ்கருடன் மாதவ் மோட்டார் சைக்கிளில் சென்று கொண்டிருந்தார். அப்போது, தொழிலாளர் நீதிமன்ற முதன்மை நீதிபதி எஸ்.எப். அக்பர் காரில் அவ்வழியே சென்றுக் கொண்டிருந்தார்.

அவரது காரில் சுழலும் சிவப்பு விளக்கு ஒளிர்ந்து கொண்டிருந்ததைக் கண்ட மாதவ் காரை நிறுத்தி முன்பக்கம் அமர்ந்திருந்த காவலரிடம், காரில் இருப்பது யார் என்று விசாரித்தார்.இது நீதிபதி வாகனம் என்று பாதுகாவலர் பதில் கூறினாராம். அப்போது பின் இருக்கையில் அமர்ந்திருந்த நீதிபதி அக்பர் கண்ணாடியை இறக்கி வெளியில் இருப்பது யார் என பார்த்தாராம். அவரிடம் மன்னிப்பு கேட்டுக் கொண்டு மாதவ் அங்கிருந்து புறப்பட்டபோது அவரை அங்கிருந்த போலீசார் தடுத்தி நிறுத்தி திருவல்லிக்கேணி காவல் நிலையத்துக்கு அழைத்துச் சென்றனராம். அங்கு விசாரணைக்கு பின்னர் மாதவை போலீசார் அனுப்பி வைத்தனர்.

ஆனால், வாகனத்தில் சுழலும் சிவப்பு விளக்கு வைத்துக் கொள்ள அரசு அனுமதித்துள்ள 18 பேர் பட்டியலில் இல்லாத மாவட்ட நீதிபதி நிலையில் உள்ள தொழிலாளர் நீதிமன்ற முதன்மை நீதிபதியின் காரில் சுழலும் சிவப்பு விளக்கு இருந்தது விதிமீறல் என மாதவ் புகார் தெரிவித்துள்ளார்.
TNC

Last update : 07-11-2009 07:54

Average user rating

   (0 vote)