சென்னை, புறநகர் பகுதிகளில் தொடர்ந்து மழை பெய்து வருகிறது. இதனால் ஏரிகளுக்கு வரும் தண்ணீர் அளவு அதிகரித்து வருகிறது. எனவே சென்னைக்கு குடிநீர் வழங்கும் ஏரிகளில் நீர்மட்டம் உயர்கிறது. செம்பரம்பாக்கம் ஏரிக்கு வரும் தண்ணீரின் அளவு மற்ற ஏரிகளைவிட அதிகமாக உள்ளது. செம்பரம்பாக்கம் ஏரிக்கு 4-ந்தேதி 300கனஅடி தண்ணீர் வந்தது. நேற்று 1620கனஅடி ஆனது. இன்று 1377கனஅடி தண்ணீர் வந்து கொண்டிருக்கிறது.

நேற்று முன்தினம் செம்பரம்பாக்கம் ஏரி நீர்இருப்பு 584மில்லியன் கனஅடியாக இருந்தது. இன்று காலை நிலவரப்படி நீர் இருப்பு 864மில்லியன் கனஅடி ஆக இருக்கிறது. கடந்த வருடம் இதேநாள் 1938மில்லியன் கன அடிதண்ணீர் இருந்தது. இன்றைய நீர்மட்டம் 10.70அடி மொத்தம் உயரம் 24அடி மழைஅளவு 80மில்லி மீட்டர்.

புழல் ஏரியில் 1133மில்லியன் கனஅடி தண்ணீர் உள்ளது. கடந்த வருடம் இதேநாளில் 1685மில்லியன் கனஅடி நீர் இருந்தது. இன்று காலை ஏரிக்கு 301கனஅடி தண்ணீர் வருகிறது. இதன் மொத்த உயரம் 21.20அடி இன்றைய நீர்மட்டம் 9.05அடி. மழை அளவு 11.மி.மீ.

பூண்டி ஏரிக்கு 526கன அடி தண்ணீர் வருகிறது. 1178மில்லியன் கனஅடி நீர் இருப்பு உள்ளது. கடந்த வருடம் இதேநாளில் 2121மில்லியன் கனஅடி நீர் இருந்தது. 35அடி உயரம் கொண்ட இந்த ஏரியில் இன்றைய நீர்மட்டம் 27.21அடி மழை அளவு 15மி.மீ. வீராணம் ஏரியின் மொத்த உயரம் 15.60அடி. இன்றைய நீர்மட்டம் 11.80அடி நீர்வரத்து 600கன அடி. மழை அளவு 55மி.மீ தண்ணீர் இருப்பு 623 மில்லியன் கனஅடி கடந்த ஆண்டு இதே நாளில் நீர் இருப்பு 441மில்லியன் கன அடியாக இருந்தது.
TNC

Last update : 07-11-2009 04:18

Average user rating

   (0 vote)