கொழும்பு துறைமுகத்தில் மாதக்கணக்காக கைவிடப்பட்ட நிலையிலுள்ள வணங்காமண் நிவாரணப் பொருட்களை இந்த வாரம் வவுனியா இடம்பெயர் முகாம்களிலுள்ள மக்களுக்கு விநியோகிக்கவுள்ளதாக இலங்கை செஞ்சிலுவைச் சங்க துணை இயக்குநர் சுரேன் பீரிஸ் கூறியுள்ளார். விநியோக கட்டளை தமக்கு கடந்த வாரம் கிடைத்துள்ளதாகவும், இதற்குரிய சுங்க அனுமதியை பெறும் முயற்சியில் தாம் உள்ளதாகவும் கூறிய அவர், வந்துள்ள நிவாரணப் பொருட்களின் அளவுகள் தெரியாத காரணத்தால் சிறிது தாமதமாகியதாகவும் குறிப்பிட்டுள்ளார்.

இந்த பொருட்களுக்கான கப்பல் வரி மொத்தமாக 24 மில்லியன் ரூபா என்றும் அதை தேசிய கட்டுமான மற்றும் அபிவிருத்தி அமைச்சு வழங்கியதாகவும் கூறினார். பொருட்களைக் கொண்டு செல்வதற்கு, அதற்குரிய அமைச்சு, அமைப்புகளிடமிருந்து அனுமதி கிடைத்த உடனும் 27 கொள்கலன்களும் உடனடியாக வவுனியாவுக்கு எடுத்துச் செல்லப்படும் என்று மேலும் கூறினார் சுரேன் பீரிஸ்.
TNC

Last update : 10-08-2009 20:44

Average user rating

   (0 vote)