தமிழன அழிப்புப் போரில் முக்கிய பங்காற்றிய சிறீலங்கா இராணுவ அதிகாரிகளுக்கு மதிப்பளிக்கும் வகையில் அவர்களை ஐக்கிய நாடுகள் சபையின் பொதுக்கூட்டத் தொடருக்கு அழைத்துச் செல்ல மகிந்த ராஜபக்ச திட்டமிட்டுள்ளதாகக் தெரிவிக்கப்படுகின்றது.

எதிர்வரும் செப்டம்பர் மாதம் 23 ஆம் நாள் ஆரம்பமாகவுள்ள இந்தக் கூட்டத்தொடரின் முதல் நாளில் ஒன்பதாவது தலைவராக மகிந்த ராஜபக்ச உரையாற்றுகிறார். இதற்காக அமெரிக்கா செல்லும் மகிந்த ராஜபக்ச தலைமையிலான குழுவில் ஐம்பதுக்கும் அதிகமானவர்கள் உள்ளடக்கப்பட்டுள்ளனர்.

ரோகித போகொல்லாகம, சரத் அமுனுகம, சம்பிக்க ரணவக்க, அனுர பிரியதர்சன யாப்பா, விநாயகமூர்த்தி முரளிதரன், டலஸ் அழகப்பெருமா, மகிந்தவின் செயலர் லலித் வீரதுங்க, மகிந்தவின் ஆலோசகர் பசில் ராஜபக்ச, பிரதி அமைச்சர்களான பைசல் முஸ்தபா, சச்சீந்திர ராஜபக்ச, தேசிய விடுதலை முன்னணியின் தலைவர் விமல் வீரவன்ச, வெளிவிவகாரத்துறை அமைச்சின் செயலாளர் பாலித கோகன்ன, சிறீலங்கா கடற்படையின் முன்னாள் தளபதி வசந்த கரன்னகொட, அருணி விஜயவத்தன, சச்சின் வாஸ் குணவர்த்தன, ஏ.எச்.எம் அஸ்வர், லூசியன் ராஜகருணாநாயக்க மற்றும் போரில் வெற்றிபெற முக்கிய காரணமாக இருந்த சில அதிகாரிகள் ஆகியோர் கடந்த வாரம் இறுதி செய்யப்பட்ட பட்டியலில் இடம்பெற்றிருந்தனர்.

ஆனால் இந்தப் பட்டியலில் சிலர் நீக்கப்பட்டு மேலும் பலர் சேர்க்கப்படலாம் என்றும் தெரிகிறது. மகிந்த ராஜபக்ச தலைமையிலான குழுவினர் மன் கட்டன் (Manhatten) மத்திய நகரில் உள்ள நட்சத்திர விடுதியில் தங்கவுள்ளனர்.
TNC

Last update : 10-08-2009 17:53

Average user rating

   (0 vote)