வன்னியில் எஞ்சியுள்ள பொதுமக்களை 48 மணி நேரத்தில் அரசு விடுவிக்குமாம்! ஜோர்தானில் வைத்து ஜனாதிபதி அறிவிப்பு : வன்னியில் பாதுகாப்பு வலயத்தில் சிக்குண்டுள்ள பொதுமக்கள் 48 மணிக்குள் விடுவிக்கப்படுவார்கள் என்று ஜனாதிபதி மஹிந்த ராஜபக்ஷவை மேற்கோள் காட்டி அரய்தகவல் திணைக்களப் பணிப்பாளர் அனுஷா பல்பிட்ட தெரிவித்துள்ளார். ஜோர்தானுக்கு விஜயம் மேற்கொண்டுள்ள ஜனாதிபதி அங்குள்ள ஆடைத் தொழிற்சாலைகளில் பணி புரியும் இலங்கையர்கள் மத்தியில் உரையாற்றுகையில், வார இறுதிக்குள் விடுதலைப் புலிகளிடம் எஞ்சியிருக்கும் இறுதிப் பகுதிகளும் கைப்பற்றப்படுமெனத் தெரிவித்துள்ளார்.விடுதலைப் புலிகளின் பிடியில் எஞ்சியுள்ள மக்கள் அடுத்த 48 மணிக்குள் விடுவிக்கப்படுவார்கள் என ஜனாதிபதி உறுதியளித்தார் என அனுஷா பல்பிட்ட தமது அறிக்கையில் குறிப்பிட்டுள்ளார்.

இதேவேளை, விடுதலைப் புலிகளின் பிடியில் உள்ள எஞ்சிய கடலோரப் பகுதிகளிலிருந்து இராணுவத்தினர் 1.5 கிலோ மீற்றர் தொலைவில் நிலைகொண்டுள்ளனர் என்று பாதுகாப்பு அமைச்சு தெரிவித்துள்ளது. 58ஆவது படையணி 1.5 கிலோ மீற்றர் தொலைவிலும் 59ஆவது படையணி 2 கிலோ மீற்றர் தொலைவிலும் நிலைகொண்டுள்ளதாகவும் பாதுகாப்பு அமைச்சு மேலும் விவரித்தது.
TNC

Last update : 17-05-2009 00:59

Average user rating

   (0 vote)