தேவையானவை
கோதுமை மாவு : 2 கப்
கேரட்               : 100 கிராம்
பீன்ஸ்              : 100 கிராம்
காலிபிளவர்      :  100 கிராம்
பச்சைப்பட்டாணி: 100 கிராம்
உருளைக்கிழங்கு : 4
பச்சைமிளகாய்    : 4
இஞ்சி,புதினா,நூடுல்ஸ்,எண்ணெய்: தேவையான அளவு

செய்முறை:
உருளைக் கிழங்கை வேக வைத்து தோல் நீக்கி நன்றாக பிசைந்து கொள்ளவும்.எல்லா காய்களையும் பொடிப்பொடியாக நறுக்கிக் கொள்ளவும்.பிசைந்த உருளைக்கிழங்குடன் சேர்த்து நறுக்கிய காய்களை வாணலியில் எண்ணெய் விட்டு வதக்கவும்.

பின்னர் அரைத்த பச்சை மிளகாயைச் சேர்க்கவும்.நூடுல்ஸை கொதித்த தண்ணீரில் போட்டு இரண்டு நிமிடம் கழித்து தண்ணீரை வடிகட்டி கிளறிய காய்கறியில் இதையும் சேர்த்துக் கொள்ளவும்.

பிசைந்த கோதுமை மாவை சப்பாத்திக்கு செய்வது போல் சிறு உருண்டைகளாக செய்து வட்டமாக தட்டி நடுவில் மசாலாவை நீளமாக பரப்பி,சுருட்டி,ஓரங்களில் மடித்து விட வேண்டும்.வாணலியில் எண்ணெய் காய்ந்ததும் ஒவ்வொன்றாய்ப் போட்டு எடுக்கவும்.இந்த பூரி சாப்பிட சுவையாக இருக்கும்.

Last update : 11-04-2008 13:19

Average user rating

   (0 vote)