ஆந்திர மாநிலத்தில் தெலுங்கானா விவகாரத்தால் பல தினங்களாக நடைபெற்று வந்த கூச்சல்களும், குழப்பங்களும், கோஷ்டி சண்டைகளும் ஒரு வழியாக முற்றுப்பெறும் நிலைக்கு வந்துள்ளது. இந்த விவகாரம் தொடர்பாக முடிவெடுக்க ஓய்வு பெற்ற உச்ச நீதிமன்ற நீதிபதி தலைமையில் குழு ஒன்றை அமைக்க மத்திய அரசு திட்டமிட்டிருப்பதாகத் தெரிகிறது. மத்தியில் ஆளும் காங்கிரஸ் கட்சியின் முக்கியத் தலைவர்கள் நடத்திய ஆலோசனைக்குப் பிறகு இந்த முடிவு எடுக்கப்பட்டிருப்பதாகத் தகவல்கள் தெரிவிக்கின்றன. ஓய்வு பெற்ற உச்ச நீதிமன்ற நீதிபதி தலைமையிலான இந்தக் குழுவில், 3 நிபுணர்கள் இடம்பெறுவார்கள். தெலுங்கானா விவகாரத்தை ஆய்வு செய்து அரசுக்கு அறிக்கை சமர்ப்பிப்பதற்கு இந்தக் குழுவுக்கு 18 மாத கால அவகாசம் வழங்கப்படும் எனவும் கூறப்படுகிறது. இந்தக்குழுவில் நீதிபதிகள் கிருஷ்ணா, தருண் சட்டர்ஜி, லட்சுமணன் ஆகியோர் அடங்கியுள்ளனர். இம்மூவரில் ஒருவர் இந்தக் குழுவுக்கு தலைவராகக்கூடும் எனக் கூறப்படுகிறது.

Last update : 23-01-2010 08:59

Average user rating

   (0 vote)