முன்னாள் இந்தியப் பிரதமர் ராஜீவ் கொலைவழக்கில் ஆயுள் தண்டனைக் கைதிகளாய் இருக்கும் நளினி உள்ளிட்டோரை விடுதலை செய்வதற்கான ஆலோசனைக் குழுக் கூட்டம் நேற்று நடைபெற்றது. ராஜீவ் கொலைவழக்கில் கைதிகளாக இருக்கும் ஆறுபேர் உள்ளிட்ட எட்டு கைதிகளைக் குறித்து ஆலோசனை நடைபெற்றது. உயர்நீதிமன்ற உத்தரவுப்படி அமைக்கப்பட்ட ஆலோசனைக்குழுக் கூட்டம் அதன் தலைவரும் வேலூர் மாவட்ட ஆட்சியருமான ராஜேந்திரன் தலைமையில் வேலூர் ஆண்கள் மத்திய சிறையிலும் பின்னர் பெண்கள் சிறையிலும் நடைபெற்றது.

முதன்மை குற்றவியல் நீதிபதி கலையரசன், மண்டல நன்னடத்தை அலுவலர் அனந்தகிரி, சிறைத்துறை கண்காணிப்பாளர் சேகர் மற்றும் அரசு சாரா நிறுவனங்களின் பிரதிநிதி பியூலா ஆகியோர் இக்கூட்டத்தில் கலந்துகொண்டனர். பின்னர் செய்தியாளர்களைச் ச்ந்தித்த மாவட்ட ஆட்சியர் கூட்டத்தின் முடிவுகளை அரசுக்கு அறிக்கையாக அனுப்புவதாகத் தெரிவித்தார்.

நமது நிருபர் : யாழன் ஆதி

Last update : 21-01-2010 09:10

Average user rating

   (0 vote)