அரியான மாநிலத்தில் முன்னாள் டி.ஜி.பி-யாக இருந்தவர் ரத்தோர். இவர் இதே மாநிலத்தைச் சேர்ந்த ருச்சிகா வயது 14 (Ruchika) என்பவருக்கு 1990-ம் ஆண்டு தொடக்கம் தொடர்ந்து பாலியல் தொந்தரவு கொடுத்து வந்தார். அதைத் தொடர்ந்து அவருக்கும் அவரது குடும்பத்துக்கும் கொடுத்த தொடர் தொல்லை காரணமாக 1993-ம் ஆண்டு ருச்சிகா தற்கொலை செய்து கொண்டார்.

இத்தற்கொலை பெரும் பரபரப்பையும், கொந்தளிப்பையும் ஏற்படுத்தியதோடல்லாமல், இது தொடர்பாக கோர்ட்டில் வழக்கும் தொடரப்பட்டது. சுமார் பத்தொன்பது ஆண்டுகளுக்குப் பிறகு கூறப்பட்ட தீர்ப்பில் ரத்தோருக்கு ஆறு மாதம் ஜெயில் தண்டனையும், ரூபாய் ஆயிரம் அபராதமும் விதிக்கப்பட்டது. இத்தீர்ப்பில் ரத்தோர் ருச்சிகாவை மானபங்கப்படுத்தியதாகவும், அவரைத் தற்கொலைக்குத் தூண்டியதாகவும் இரண்டு பிரிவுகளில் வழக்குப் பதிவு செய்யப்பட்டது. அதன்படி மானபங்கப்படுத்திய வழக்கிற்கு மட்டுமே தண்டனை விதிக்கப்பட்டது.

தற்கொலை சம்பந்தமான வழக்கில் தண்டனை ஏதும் கிடைக்கவில்லை. இதனால் மாநிலம் முழுவதும் ரத்தோருக்கு எதிர்ப்புக்குரல் கிளம்பியது. இதனையடுத்து, நேற்று ரத்தோர் மீது புதிதாக இரண்டு எஃப்.ஐ.ஆர்-கள் பதிவு செய்யப்பட்டன. மூன்றாவதாக ருச்சிகாவை தற்கொலைக்குத் தூண்டியமைக்கான பிரிவிலும் எஃப்.ஐ.ஆர் போடப்பட்டது. ஆனால், இவ்வழக்குகளிலிருந்து ரத்தோர் கைதாவதைத் தடுக்க முன் ஜாமீன் கேட்டிருந்தார். அவருக்கு இடைக்கால ஜாமீனும் வழங்கப்பட்டது. ஆனால் இந்த முன் ஜாமீன் தேதி நேற்றுடன் முடிவுக்கு வருகிறது. இந்தச்சூழலில் ரத்தோரின் ஜாமீன் மனு மீண்டும் விசாரணைக்கு வந்தது.  மனுவை நீதிபதி தள்ளுபடி செய்தார். இதனால் ரத்தோர் கைதாவார் என எதிர்பார்க்கப்படுகிறது.

Last update : 08-01-2010 13:15

Average user rating

   (0 vote)